LG Flatron E2290 хэмээх загварын энэ дэлгэц одоогоор хамгийн нимгэн дэлгэцээр тодроод байна. Дэлгэцийн зузааны хувьд 0,25 инчийн бөгөөд энэ нь 0,75 инчийн Samsung PX2370, 0,65 инчийн SyncMaster XL2370 гэсэн дэлгэцүүдээс ч хамаагүй нимгэн юм. Хэтэрхий нимгэн энэ дэлгэц өөрөө 22 инчийн дэлгэц юм. Мэдээж суурь сайтай, дүрслэлийн хувьд 1920х1080 пикселтэй юм. DVI, HDMI кабелийн оролттой, дүрс буюу цэгийг дүрслэх хурд нь 2ms ажээ. Дэлгэцийг кино, интернэт, хэвийн гэсэн тохиргоонд оруулан ашиглаж болох ба зах зээл дээр 350 доллараар худалдаалагдаж байна.