Карибын тэнгисийн дээрэмчин хэмээх бидний сайн мэдэх, үзэх дуртай киноны дөрөвдүгээр анги тавдугаар сарын 20-нд АНУ-д нээлтээ хийнэ. Найруулагчаар нь Роб Маршал, продюссерээр нь алдарт Жерри Брукхаймер нар ажилллажээ. Гол дүрд уламжлал ёсоор Холливуудын супер од, 2010 оны шилдэг жүжигчин Жонни Депптоглосон ба Пенелопе Круз мөн энэхүү кинонд гол дүр бүтээсэн байна.
Уолт Дисней кино компаниас 200 сая долларын өртөгтэй бүтээгдсэн тус киног 3D-гээр үзэх боломжтой гэнэ. Алдарт найруулагч Жерри Брукхаймерын гурав дахь 3D кино нь энэ бөгөөд зураг авалтыг Хавайн арлын орчимд хийсэн гэнэ. Дашрам дурдахад өмнөх гурван ангийн найруулагчаар тасралтгүй ажиллаж эхэлсэн Гор Вербински энэ удаа тус кинонд ажиллахаас татгалзсан байна. Мөн дөрвөн анги бүхий тус киноны гуравдугаар анги "Ертөнцийн төгсгөлд"-ийг бусдаас нь хамгийн их буюу 300 сая долларын өртөгтэй бүтээж байсан бол 2006 онд дэлгэцнээ гарсан хоёрдугаар анги нь хамгийн их ашиг орлого буюу 1 тэрбум 66 сая долларын ашиг олж байжээ. Нийтдээ 2003 оноос өдгөөг хүртэл дөрвөн цувралыг 865 сая доллараар бүтээсэн бол өмнөх гурван анги нь Уолт Диснейд 2 тэрбум 690 сая долларын ашиг өгсөн томоохон төсөл нь болжээ.